২০০৪ চনৰ ১৫ আগষ্টত ধেমাজিৰ স্বাধীনতা দিৱসৰ কাৰ্য্যসূচীৰ দিনাই হৈছিল ভয়াৱহ বোমা বিস্ফোৰণ। ধেমাজি মহাবিদ্যালয়ৰ পেৰেড স্থানত বহুতো লোক বিশেষকৈ স্কুলীয়া ছাত্ৰ-ছাত্ৰী আৰু শিক্ষক-শিক্ষয়ত্ৰী সকল গোট খাইছিল । পুৱা ৯ বাজি ৩০ মিনিটত সংঘটিত হোৱা এই বোমা বিস্ফোৰণ সংঘটিত হৈছিল ৰিমোট কন্ট্ৰ’লৰ সহায়ত । এই বোমা বিস্ফোৰণত ১০ টি শিশু আৰু ৩ গৰাকী মহিলাই প্ৰাণ হেৰুৱাব লগা হৈছিল । এই বোমা বিস্ফোৰণত সংযুক্ত অসম মুক্ত বাহিনী জড়িত থকা বুলি উল্লেখ কৰিছিল । আনহাতে, ২০০৯ চনৰ ১৩ ডিচেম্বৰত সংযুক্ত অসম মুক্তি বাহিনীৰ সেনাধ্যক্ষ পৰেশ বৰুৱায়ে ই-মেইল যোগে বোমা বিস্ফোৰণৰ দায়িত্ব স্বীকাৰ কৰে আৰু ৰাজহুৱা ভাৱে ক্ষমা খোজে ।
ইয়াৰ পিছতে, ২০১১ চনত আৰক্ষীয়ে ১৫ জন অভিযুক্তৰ শ্বাৰ্জশ্বীট দাখিল কৰে ।
২০১৯ চনৰ ২০ জুন তাৰিখে ধেমাজিৰ সত্ৰ ন্যায়ধীশৰ আদালতে বোমা বিস্ফোৰণৰ ৰায়দান দিয়ে আৰু ১৫ জন অভিযুক্তৰ ৬ জনক দোষী সাব্যস্ত কৰিছিল । ইয়াৰে ৮ জনৰ উপযুক্ত সাক্ষী প্ৰমাণ নথকাৰ বাবে ৰেহাই দিব লগা হৈছিল । মুহী সন্দিকৈ, যতিন দুৱাৰা, দীপাঞ্জলী গোঁহাই, লীলা গগৈ ওৰফে লীলা খানক যাৱতজীৱন কাৰাদণ্ড দিয়ে আৰু প্ৰশান্ত ভূঞা, হেমেন গগৈক চাৰি বছৰৰ কাৰাদণ্ড বিহিছিল ।
ইফালে, সোমবাৰে গুৱাহাটী উচ্চ ন্যায়ালয়ে ধেমাজিৰ এই বোমা বিস্ফোৰণৰ ওপৰত অন্তিম শুনানি জাৰি কৰিব ।