সোমবাৰে মুখ্যমন্ত্ৰী হিমন্ত বিশ্ব শৰ্মাই জল জীৱন সন্মিলনৰ প্ৰথমখন বৈঠকত উপস্থিত হৈ কেইবাটাও গুৰুত্বপূৰ্ণ কথা ঘোষণা কৰে। অহা অক্টোবৰ মাহত ৰাজ্যত পুনৰ সংযোজন হ’ব ৪০ হাজাৰ লোকক ৰেচন কাৰ্ড প্ৰদান । এই ৰেচন কাৰ্ডসমূহ মহিলাৰ নামত হাতত তুলি দিয়া হ’ব।
ইয়াৰ উপৰিও পূৰ্বৰ চাউলৰ বাবে যিখন ৰেচন কাৰ্ড আছিল সেই ৰেচন কাৰ্ডসমূহ এতিয়াৰ ব্যৱহাৰ কৰা হ’ব মেডিকেলত। মেডিকেলত কাৰ্ডখন থাকিলে ৫ লাখ টকাৰ বিনামূলীয়া চিকিৎসা সুবিধা লাভ কৰিব বুলি মুখ্যমন্ত্ৰী হিমন্ত বিশ্ব শৰ্মাই ঘোষণা কৰে।
অহা ১০ ছেপ্তম্বৰত পুনৰ ৭ লাখ পৰিয়ালক যোগন ধৰিব অৰুণোদয় আঁচনি।বৰ্তমান সময়ত লাভ কৰি থকা ১২৫০ টকাৰ পৰিবৰ্তে ১৪০০ টকা প্ৰদান কৰা হ’ব বুলিও মুখ্যমন্ত্ৰীয়ে প্ৰতিশ্ৰুতি দিয়ে। তাৰ উপৰিও ৰাজ্যৰ ৩ লাখ ৭০ হাজাৰ আত্মসহায়ক গোটৰ যি সকল মহিলাই সৰু সৰু উদ্যোগ কৰিব বিচাৰে তেওঁলোকক প্ৰদান কৰা হ’ব ১০ হাজাৰ টকা।
আনহাতে ১ লাখ নিযুক্তি প্ৰতিশ্ৰুতি পূৰণৰ বাবে অহা জুলাই আগষ্টত ২২ হাজাৰ নতুন বিজ্ঞাপন প্ৰকাশ কৰাৰ কথাও প্ৰকাশ কৰে।