কেন্দ্ৰীয় বিত্তমন্ত্ৰী নিৰ্মলা সীতাৰমণ আজি ৭ নৱেম্বৰত দুদিনীয়া ভ্ৰমণসূচীৰে অসমলৈ আহিছে। এই ভ্ৰমণকালত তেওঁ গুৱাহাটীত এটা গুৰুত্বপূৰ্ণ প্ৰকল্প উদ্বোধন কৰাৰ লগতে এখন নতুন ৰাজ্যিক বিশ্ববিদ্যালয়ৰ আধাৰশিলা স্থাপন কৰিব। শ্ৰীমতী সীতাৰমণে প্রথমে উজান বজাৰত ব্ৰহ্মপুত্ৰ ৰিভাৰ ফ্ৰণ্টৰ সতী ৰাধিকা শান্তি উদ্যান আৰু গেটৱে অৱ গুৱাহাটীৰ অত্যাধুনিক ফেৰী টার্মিনেল আৰু জেটি উদ্বোধন কৰিব । অনুষ্ঠানত মুখ্যমন্ত্রী ড° হিমন্ত বিশ্ব শর্মা, জনস্বাস্থ্য কাৰিকৰী বিভাগৰ মন্ত্ৰী জয়ন্ত মল্লবৰুৱা আৰু পৰিবহণ মন্ত্ৰী চৰণ বড়ো উপস্থিত থাকিব। এই প্রকল্পই গুৱাহাটী মহানগৰীৰ আন্তঃগাঁথনি আৰু যোগাযোগ ব্যৱস্থা শক্তিশালী কৰিব বুলি আশা কৰা হৈছে। কেন্দ্ৰীয় বিত্ত মন্ত্ৰীগৰাকীয়ে সেইদিনাই জাগীৰোডৰ ছেমি কণ্ডাক্টৰ প্ৰকল্পস্থলী পৰিদৰ্শন কৰিব। শ্ৰীমতী সীতাৰমণে ৮ নৱেম্বৰত বিশ্ব বিশ্ব জিলাৰ গহপুৰৰ ঐতিহ্যমণ্ণিত ভোলাগুৰি চাহ বাগিচাত ছহিদ কনকলতা বৰুৱা ৰাজ্যিক বিশ্ববিদ্যালয়ৰ আধাৰশিলা স্থাপন কৰিব।ৰাজ্যৰ উচ্চশিক্ষা খণ্ণত গুৰুত্বপুৰ্ণ পদক্ষেপ হিচাপে নিমাৰ্ণ কৰিবলৈ লোৱা এই বিশ্ববিদ্যালয়খন ৰুপকোৱৰ জ্যোতিপ্ৰসাদ আগৰৱালাৰ কৰ্মস্হলী ভোলাগুৰি ৭৪০ বিঘা ভূমি সামৰি নিৰ্মাণ কৰা হব । বিশ্ববিদ্যালয়খনত পৰমম্পৰাগত বিষয়সমূহৰ লগতে কৃত্ৰিম বুদ্বিমত্তা, ৰবটিক ছায়েন্স থ্ৰডি প্ৰিন্টিঙকে ধৰি আধুনিক বিষয়সমূহ অন্তভূক্ত হব।