বন্দনা হাজৰিকা
কভিডৰ সময়ত নিজৰ জীৱনকো আওকান কৰি চিকিৎসা সেৱাৰ লগত জড়িত যি সকল চালকে সেৱা আগবঢ়াই আহিছে তেওঁলোকক প্ৰদান কৰা হৈছে চালকৰ অনুজ্ঞাপত্ৰ । বুধবাৰে জিলা পৰিবহন বিভাগৰ কাৰ্যালয়ত শিকাৰু চালকৰ অনুজ্ঞাপত্ৰ প্ৰদান কাৰ্যসূচী আৰম্ভ কৰা হয় । এই অনুষ্ঠানৰ শুভাৰম্ভ কৰে গুৱাহাটী চিকিৎসা মহাবিদ্যালয়ৰ উপ-অধীক্ষক ডাঃ উজ্জ্বল শৰ্মাই । অহা ৩১ আগষ্টলৈ প্ৰতিদিনে ১০ জনকৈ স্বাস্থ্য সেৱাৰ লগত জড়িত শিকাৰু চালকক অনুজ্ঞাপত্ৰ প্ৰদান কৰা হ’ব বুলি জনায় জিলা পৰিবহণ বিষয়া গৌতম দাসে ।
উল্লেখযোগ্য যে মুখ্যমন্ত্ৰী ড° হিমন্ত বিশ্ব শৰ্মাই বিধানসভাত গাড়ীৰ অনুজ্ঞাপত্ৰ প্ৰদান কৰা প্ৰক্ৰিয়াটো সৰল কৰিবলৈ জিলা পৰিবহন বিষয়াক আহ্বান জনাইছিল ।আৰু তাৰেই পৰিপ্ৰেক্ষিতত এই সকল চালকক অনুজ্ঞাপত্ৰ প্ৰদান কৰা হৈছে ।