শুকুৰবাৰে জনতা ভৱনত অনুষ্ঠিত ৰাজ্য চৰকাৰৰ কেবিনেট বৈঠকত স্বাস্থ্যমন্ত্ৰী কেশৱ মহন্তই কেইবাটাও সিদ্ধান্ত সদৰি কৰে ।এই সিদ্ধান্ত অনুসৰি ৰাজ্যিক কৰ্মচাৰীয়ে লাভ কৰিব ৪ শতাংশ বৰ্ধিত মৰগীয়া বানচ। চৰকাৰী কৰ্মচাৰীসকলে যোৱা এক জানুৱাৰীৰ পৰা কাৰ্যকৰী হোৱাকৈ এই বৰ্ধিত মৰগীয়া বানচ লাভ কৰিব । তিনি মাহৰ বকেয়া মৰগীয়া বানচসহ এই বৰ্ধিত মৰগীয়া বানচ মাৰ্চ মাহৰ দৰমহাৰ সৈতে ১০ এপ্ৰিলৰ ভিতৰত লাভ কৰিব কৰ্মচাৰীসকলে । ইয়াৰ বাবে চৰকাৰৰ মুঠ ব্যয় হব ৮০ কোটি টকা ।
ইয়াৰ উপৰিও, মুখ্যমন্ত্ৰীৰ সৌৰশক্তি প্ৰকল্পৰ অধীনত চৰকাৰে এহেজাৰ মেগাৱটৰ প্ৰজেক্ট স্থাপন কৰাৰ সিদ্ধান্ত গ্ৰহণ কৰে । কাৰ্বি আংলঙত বহুৱাব এই পাৱাৰ প্ৰজেক্ট। লগতে বসুন্ধৰা ১ আৰু ২ ৰ পিছতো ভূমি আৱণ্টন নোপোৱা ৭৬০টা খিলঞ্জীয়া পৰিয়ালক ভূমি আবণ্টনত সন্মতি দিয়ে উক্ত বৈঠকত । তদুপৰি, RIDF ৰ মুঠ ২০৩১ কোটি ১৪ লাখ টকা ব্যয়েৰে মথাউৰিৰ পৰা পকী পথ, বান নিয়ন্ত্ৰণ আৰু মীন পালনৰ বাবে আঁচনি ধাৰ্য কৰাৰ সন্মতি দিয়ে শুকুৰবাৰে জনতা ভৱনত অনুষ্ঠিত ৰাজ্য চৰকাৰৰ কেবিনেট বৈঠকত।