সোণালী জয়ন্তী উদযাপন উপলক্ষে গুৱাহাটী প্ৰেছ ক্লাৱৰ উদ্বোধনী অনুষ্ঠান

গুৱাহাটী প্ৰেছ ক্লাৱৰ সোণালী জয়ন্তী বৰ্ষ উদযাপন উদ্বোধনী অনুষ্ঠান ২০ মাৰ্চ তাৰিখে শ্ৰীমন্ত শংকৰদেৱ কলাক্ষেত্ৰত অনুষ্ঠিত কৰা হয়। এই অনুষ্ঠানৰ মুকলি সভাত মুখ্য অতিথি হিচাপে উপস্থিত থাকে ৰাজ্যৰ তথ্য় আৰু জনসংযোগ বিভাগৰ মন্ত্ৰী পীয়ুষ হাজৰিকা। অনুষ্ঠানত মন্ত্ৰী পীয়ুষ হাজৰিকাই জ্যেষ্ঠ সাংবাদিকৰ বিশেষ সম্বৰ্ধনা অনুষ্ঠানতো অংশগ্ৰহণ কৰে। উল্লেখযোগ্য যে মুখ্যমন্ত্ৰী  ড° হিমন্ত বিশ্ব শৰ্মাই অনুষ্ঠানটোত মুখ্য অতিথি হিচাপে উপস্থিত থাকি প্ৰেছ ক্লাৱৰ গৃহ নিৰ্মাণকাৰ্যৰ ভাৰ্চুৱেলী শিলান্যাস আৰু সাংবাদিক সন্তানৰ বাবে ” গিফট এ চাইল্ড এডুকেচন” শীৰ্ষক বিশেষ আঁচনি উদ্বোধন কৰা কথা আছিল যদিও বিশেষ এৰাব নোৱাৰা কাৰণত মুখ্যমন্ত্ৰীয়ে অনুষ্ঠানত উপস্থিত থাকিব নোৱাৰিলে। পিছত মন্ত্ৰী পীয়ুষ হাজৰিকাই এই অনুষ্ঠানৰ উদ্বোধন কৰে।