নিউজ ডেস্কঃ শীঘ্ৰেই ৰাজ্যত স্থাপন কৰা হ’ব ৫০ টা ধান বনা মিল। ২০০ মেট্ৰিকটন ধান বনাৰ শক্তিসম্পন্ন হ’ব এই মিলকেইটা। এই ঘোষণা মুখ্যমন্ত্ৰী ড৹ হিমন্ত বিশ্ব শৰ্মাৰ। এই মিলসমূহ মুখ্যমন্ত্ৰীৰ সমগ্ৰ গ্ৰাম্য উন্নয়ন যোজনা আৰু কৃষি আন্ত:গাঁথনিৰ যুটীয়া উদ্যোগত স্থাপন কৰা হ’ব। মুখ্যমন্ত্ৰী গৰাকীয়ে কয় যে, ” এই মিলসমূহ স্থাপন কৰা লোকসকললৈ ১০ লাখৰ পৰা ৪০ লাখ টকাৰ ৰাজসাহাৰ্য্য প্ৰদান কৰা হ’ব। “
উল্লেখ্য যে প্ৰত্যেকটো মিলৰ বাবে ১.১৭ কোটি টকা ৰাজসাহাৰ্য্য হিচাপে প্ৰদান কৰা হ’ব। লগতে এহাজাৰটা ক্ষুদ্ৰ ধান মিল স্থাপন কৰাৰ ক্ষেত্ৰতো ৰাজ্য চৰকাৰে পূৰ্ণ সহযোগিতা লাভ কৰিব।